Қызылорда облысы медицина қызметкерлерінің сайты



16:38
45 жастағы әйел өзі қайтыс болса да, жеті адамға өмір сыйлап кетті

28.03.17, 19:58

Ақтөбеде 45 жастағы әйел, өзі қайтыс болса да, жеті адамға өмір сыйлап кетті. Осыдан 10 күн бұрын жүрек талмасынан көз жұмған Ақтөбелік тұрғын, өзінің жеті дене мүшесін өзге науқастарға беруге келісімін берген. Мәйіттік донордан бүйрек, бауыр, жүрек, көз мүшелері алынып, қазір сол мүшелердің барлығы да мұқтаж адамдарға ота арқылы салынды. Айта кету керек, мұндай оталар Алматы, Астанадан кейін Ақтөбеде биыл бірінші рет жасалды.

 

31 жастағы Гүлназ осыдан алты жыл бұрын бүйрек ауруына шалдыққан. Қанша емделудің жолын іздеп ауруханалардың есігін тоздырғанымен еміне шипа таппапты. Сырқаты үдеп, екі бүйрегі де бірдей істен шығып, ақыры соңғы бес жыл бойы диалезге таңылдым дейді. Қазір Гүлназ мәйіттік донор арқылы бүйрегін ауыстырғандардың бірі. Өмірі ұзарған Гүлназдың алғыстан басқа айтар сөзі жоқ.

 

ГҮЛНАЗ, Емделуші:

- 2011 жылдан бері ауырамын, 6 жыл болды. Ең бірінші Аллаға рахмет айтамын. Екінші мына донор берген кісілерге рахмет айтамын

 

Ақтөбе облыстық ауруханасының трансплантолог дәрігерінің айтуынша, мәйіттің дене мүшелерін тірі адамға салу Ақтөбеде алғаш рет жасалған. Бұған дейін туыстық тірі донор арқылы жеті адамның бауыры ауыстырылыпты. Бірақ қазір бауырға қарағанда көп жағдайда бүйрек ауруына шалдыққандар және ауыстыруды қажет ететін адамдар әлдеқайда көп,- дейді дәрігерлер. Ал жеті мүшесін бірдей донорлыққа берген ақтөбелік әйелдің қазір екі бүйрегі екі адамға жаңа өмір сыйлаған. Жалпы жыл басынан бері Ақтөбеде дәл осындай мәйіттік донор арқылы бүйрек ауыстыруға төрт ота жасалып, сәтті шыққан.

 

МЫЛТЫҚБАЙ РЫСМАХАНОВ, Дәрігер:

- 45 жастағы әйелдің органдарын алдық. Мультиорганды забор деп аталады. Ақтөбеде бірінші рет жасалды ондай ота. Екі бүйрек Ақтөбеде қалды. Өзіміздің пациенттерге жасалды. Қалған органдар Астанада медициналық орталықтарда жасалды, ауыстырылды.

 

Қазіргі таңда елімізде бүйрек ауыстыруды қажет ететін 4000 Қазақстандық тізімде тұрса, соның 300 -ге жуығын Ақтөбелік науқастар құрайды екен. Және сол тізімде еліміз бойынша бауыр ауыстыруды күтіп отырған 1000- ға жуық адам тағы бар. Дәрігерлердің айтуынша, елімізде мәйіттік донор қызметі жақсы дамыса, сырқат адамдардың сауығуы да көп болар еді дейді. Өйткені мұндай жағдайдың 70-80 пайызында қайтыс болған адамдардың туыстары рұқсат бермейді екен.

 

Жанар Қожанова, Бағдат Баймурзин

http://31.kz/video/show/id/17498/show/ib

 

Просмотров: 746 | Добавил: психолог | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]