“Қайғы келсе, қарсы тұр құлай берме” дегендей, сары уайымға салынбай күліп жүрсеңіз:
- Депрессиядан арылтады.
- Теріні жасартады.
- Иммунитетті күшейтеді.
- Жүрек қан-тамыр жүйесін емдейді. Ағылшын ақыны Уильям Шекспир: «Жадыраған жүрек ұзақ өмір сүреді» депті. Дәрігер мамандардың айтуынша, жүрегі ауыратындардың көбісі аз күлетін, болмашы нәрселерге өкпелеп қалып, сары уайымға салынатындар екен.
- Ауруды немесе ауырсынуды азайтады. Мәселен, шынайы күлгеннен, қуанғаннан ауруыңды ұмытып кететін жағдай көп кездеседі.
- Тыныс алу жүйесін жаттықтырады, жақсартады.
- Дене бітіміңізді сұлу етеді.
- Қарым-қатынасыңыз жақсарады. Жадырап, күліп жүретін адамға қарасаңыз, көңіл-күйіңіз көтеріледі. Бір-біріңізге деген ниет, ілтипат арта түседі.
- Күлкі адамның мінезін танытады. Достоевский: «Адамның шынайы бейнесін күлкісінен тануға болады» деген. Ақжарқындығы, ақкөңілдігі, аңқылдақтығы, аңқаулығы, зымияндығы, жеңілтектігі, қатыгездігі, екіжүзділігі т.б. с.с.
- Көңіл-күйді көтереді. Әлемнің көптеген елінде күлкімен емдеу тәсілі бар. Мәселен, Германияда клоун-доғдырлар қатты сырқаттанып жатқан балаға баратын болған. Адамның физикалық, эмоциялық ахуалын жақсарту үшін үнділер йога-күлкі дегенді ойлап тапқан. Ал біз Абай атамыздың: “Жігіттер, ойын арзан, күлкі қымбат” дегенін де ұмытпауымыз керек. Арзан күлкі еркектің соры, күлегештеген сөзге қалдырмаса болғаны. Жадырап жүріңіз.
http://qazaly.kz/zhajra-dap-zh-rse-zhasarasy/ |