«Қазақстан» ұлттық телеарнасы Бс, 02/16/2017

Атырауда 300-ге жуық жүкті әйел 10 күн бойы генетикалық анализін сарыла күткен. Басты себеп - облыстық перинатальдық орталыққа қажетті реактивтер кеш жеткізілген. Мұны перзентхана мамандары мемлекеттік сатып алу процесімен байланыстырады. Кідірістің салдарынан жатырдағы ұрықтың патологиясы мен Дауна синдромын анықтауда қиындықтар туындапты. Жалпы, Атырау облысына генетикалық скринингтің реактивтері үшін республикалық бюджеттен 80 млн.теңге бөлінген. Айта кетейік, 2015 жылы 15 шарана хромосомалық ауытқушылықпен дүниеге келсе, өткен жылы бұл көрсеткіш 2 есе артып, 30 нәресте генетикалық өзгеріске ұшыраған.

Қазақстан-Атырау

Дереккөз: https://kaztrk.kz/kz/a/19002