Жатырдан тыс жүктілікте ұрықтанған жұмыртқа торшасы жатырдың қуысына емес, жатыр түтігінде, аналық безде немесе құрсақ қуысында бекиді. Жатырдан тыс жүктілік қауіпі 35-44 жас аралығында кездеседі. Егер әйелде уреаплазма, микоплазма, хламидиоз және т.б. созылмалы кеселдерге байланысты қабыну үдерістері (процесстері) болса, өзіндегі жүктілікті қатаң бақылауы тиіс.
Сондай-ақ түтіктік және гормоналдық бедеуліктен емделгендердің, эндометриозы, жатырдың және жатыр түтігінің туа бітті ауытқулары, жүктіліктің мезгіліне жетпеуі бар әйелдердің аса сақ болғаны жөн.
Жатырдан тыс жүктіліктің белгілері:
- құрсақ қуысындағы қатты ауыру;
- қан кету;
- бас айналу;
- жүрек айнуы;
- естен тану. Бұл белгілерді жатыр түтігінің жарылуы шақырады. Бұл 4-6 апталарда өтеді. Кейде түтіктік түсік (аборт) болады. Оның бірнеше аптаға созылуы мүмкін. Қазіргі заманғы технологиялар жатырдан тыс жүктілікті ерте мерзімде анықтауға мүмкіндік береді.  

Сабира Шермаганбетовна НУРМАГАНБЕТОВА,
акушерка,
“№4 қалалық емхана” ШЖҚ МКК

Сурет kinderok.com сайтынан алынды