Инсульт кеселінде, яғни ми қан айналымының жедел бұзылысында (МҚАЖБ) алғашқы көмектің дер кезiнде көрсетілуiнің мәні зор. Сауатты және шұғыл көрсетілген көмек кейінгі зардаптардың аз болуына ықпал етеді.
Мейірбикелік көмек
- науқасты төсекке жатқызып, оның денесін бүйiрiне бұрады. Өйткені құсу массаларының тыныс алу жолдарына түсіп сырқаттың тұншығып қалуы мүмкін.
- ауызында тіс протезі болса алып тастайды және ауыз қуысын жиналған сілекейден, кілегейден тазартады.
- науқастың айналасында артық шу болмауын, тыныштық сақталуын қамтамасыз етеді.
- қан қысымы (ҚҚ) өлшенеді, тамыр соғысы мен тыныс алу жиілігі есептеледі.
- Егер систоликалық ҚҚ 180-190 ммсынбағ-нан, ал диастоликалық қысымы 100-110 ммсынбағ-нан артық болса гипотензивтік бұйымдар беріледі. Қан қысымын күрт төмен түсiрудің (160/90 ммсынбағ-нан аз) мидың ишемиясын күшейтетіні ескеріліп, ҚҚ бұл көрсеткіштен төмендетілмейді.
- науқасқа глициннің 2-4 таблеткасы беріледі.
- одан арғы әрекеттер дәрігер нұсқауы бойынша жасалады.

Альфия Сәрсенғалиқызы ҚОЙШЫҒҰЛОВА,

мейірбике,
“Мәдениет” дәрігерлік амбулаториясы,
“Амбулаториялық-емханалық қызметі бар
Жалағаш аудандық ауруханасы” ШЖҚ МКК,
Жалағаш ауданы

Сурет medvesti.com сайтынан алынды