Қояншықта (эпилепсияда) құрысулық құбылыстар алуан түрлі болып келеді. Бірақ, ұстамалардың қалай өтетініне қарамастан, абайлау шараларын түгелдей қатаң сақтау маңызды.
Қояншықта ұстамалардан бөлек бірқатар ауыртпалы құбылыстар орын алады. Науқастардың есте сақтау қабілеті бұзылады, олар ызақор, ашуланшақ, озбырлық әрекеттерге бейім келеді. Оларда ештеңемен байланыспаған нашар көңіл-күй кезеңдері байқалады, кейде олар тұнжыр, мұңға бейім күйде болады. Олар ренжітуді қатаң қайғырады, өш алуға тырысады, сондықтан олармен қарым-қатынас жасағанда өте әдепті, сабырлы, ұстамды және шыдамды болу керек.
Қояншығы бар сырқаттың еңбек етуін ұйымдастыру маңызды. Егер ұстамалар сирек болса, психикалық өзгерістер анық білінбесе, жарақат алудан бой тасалауға ерік беретін шектеулерді ескеріп, жұмыс істей алады. Ес бұзылыстарының белгілері байқалғанда психиатрға міндетті түрде қаралу қажет.

Дурбиби Дауреновна ШАКИРОВА,
мейірбике,
облыстық психикалық жүйке ауруханасы  

Сурет www.narmet.ru сайтынан алынды