Балаға күн өту жаз айларында шақырайған күн астында көбірек уақыт және жалаңбас болу кезінде туындайды. Күн өтудің белгілері: әлсіздік, жүрек айну, бас айналу, қатты терлеу, шөлдеу. Дене температурасы қалыпты немесе аздап көтеріледі.
Мұндай кезде баланың дене температурасын өлшеу керек. Егер температура жоғары болса (39-41оС) және бала терлемесе, онда елеулі зардаптар иеленуі мүмкін ыстық ұру жағдайының болуы ықтимал. Егер температура қалыпты немесе аздап жоғарыласа, төменде сипатталатын алғашқы көмек амалдарына кіріскен жөн.
Егер балада 39-41 оС деңгейіндегі жоғары дене температура болса “жедел жәрдем” шақыру қажет.
Егер баланың дене температурасы 38,5оС-ден жоғары болып немесе жоғарыда айтылған симптомдар 1-2 сағаттан соң кетпесе және тіпті күшейе түссе – тезірек дәрігерге көрсеткен жөн.
Алғашқы көмек
1. Баланы күн тура түсетін орыннан салқын мекен-жайға ауыстырып жатқызу. Денесіндегі киімін шешу.
2. Егер балада құсу болмаса, оған әрбір 10-15 минут сайын су немесе шырын беру.
3. Баланың терісіне ылғалды салқын матаны қойып, желдеткішті қосу немесе сүлгіні желпу керек.     

Багдагуль Ертлеуовна КУНУСБАЕВА,
мейірбике,
реанимациялық бөлімше,
облыстық балалар ауруханасы

Сурет bezopasnost-detej.ru сайтынан алынды