Қан кетудегі ең бірінші анықталатыны қан тамырының қайсысының зақымдалғанын пысықтау – веналық, артериялық, капиллярлық. Алғашқы көмек осыларға байланысты болады. Артерия зақымданғанда қан ашық қызыл түс иеленеді және жарадан бұрқақ тәріздес атқылайды. Артерия қанының жүректен шетке жүретінін ескеріп, мұндай қан кетуді зақымдалған қан тамырды зақымданудан жоғары тұстан қысу арқылы тоқтауға болады.
Артерияны сүйеке дейін қысу қажет. Егер қан иықтың орта немесе төменгі үштен бірінен, білектен және саусақтардан кетсе, иық артериясын қысып, қан тоқтатуға болады.
Егер қан иық буынынан, қолтық асты және бұғана сүйек асты аумағынан кетсе, бұғана сүйектік немесе күре тамырлы артериясы қысылады. Егер қан кету аяқтарда байқалса, онда сан артериясын қысу атқарылады.

Куралай Турехановна ТУЛЕУОВА,
мейірбике,
“Қызылорда қалалық дәрігерлік жедел жәрдем” стансасы

Сурет www.liveinternet.ru  сайтынан алынды